Ka ende lajme në lidhje me telenovelën Romain Faivre. Lojtari i Brestit është përcaktuar prej kohësh si objektivi numër 1 i Milanit për repartin e avancuar, por e ardhmja e tij mbetet e panjohur.
Ditët e fundit kanë mbërritur deklarata të rëndësishme nga klasa e 1998-ës drejtuar Milanit: “Pershtatem te loja e Piolit, kam dëshirën për të luajtur kuqezi dhe për të fituar”.
Fjalët paksa të rrezikshme në këtë moment të sezonit. Sipas Brest on Air, intervista e mesfushorit sulmues francez me La Gazzetta dello Sport nuk ishte autorizuar nga Brest.
Prandaj, situata do të kishte vënë në siklet klubin breton, si dhe, sipas Calciomercato.com, vetë Milanin. 23-vjeçari foli për gazetën praktikisht si lojtar i Milanit, sikur marrëveshja të ishte mbyllur tani dhe kjo i komplikoi pak gjërat.
Në të vërtetë, në javët e ardhshme negociatat mund të rihapen konkretisht, por për momentin nuk është në një gjendje të avancuar, të paktën jo deri në atë pikë sa të justifikojë atë lloj deklaratash për shtyp.
Në verë marrëveshja ishte shumë afër, me një udhëtim të rezervuar tre ditë para përfundimit të merkatos, por në fund gjithçka u shkatërrua dhe kuqezinjtë kishin vendosur të fokusoheshin te braziliani i Crotone Junior Messias.
Calciomercato.com konfirmon se interesi i Frederic Massara për talentin e Ligue 1 është ende i gjallë, por në të njëjtën kohë klubi Milan po vlerëson edhe profile të tjera. Kjo intervistë do të kishte mërzitur veçanërisht menaxhmentin e Djallit, të cilit në këtë pikë iu deshën ditë të tëra për të reflektuar mbi marrëveshjen!
Nuk është hera e parë që talenti rrezikon operacionin me Milanin. Në fakt, në verë Brest u zemërua me lojtarin pas vendimit të tij për të mos u vënë në dispozicion të skuadres së tij.
Megjithatë, ka edhe më shumë se një muaj deri në fillimin e merkatos dimërore dhe çdo zhvillim është ende i mundur, në një drejtim apo në tjetrin…
