ZYRTARE/ U kërkua nga Milan dhe Napoli, sulmuesi brazilian zgjedh skuadrën e re

RIO DE JANEIRO, BRAZIL - JULY 07: Everton of Brazil poses with the Man of the Match and top scorer trophies after winning during the Copa America Brazil 2019 Final match between Brazil and Peru at Maracana Stadium on July 07, 2019 in Rio de Janeiro, Brazil. (Photo by Koji Watanabe/Getty Images)

Ndonëse kërkohej nga klubet italiane si Milani e Napoli, sulmuesi anësor brazilian Everton Soares ka zgjedhur Portugalinë për të vijuar karrierën, pasi sot është bërë zyrtarisht futbollist i skuadrës së Benficës.

Futbollisti 24-vjeçar, i cili spikati me Brazilin në Copa America-n e 2019-ës, kishte ngjallur interesin e klubeve të shumta, por sot mbërriti në Lisbonë dhe hodhi firmën mbi kontratën që do ta lidhë me Benficën për 4 sezonet e ardhshme.

“Dua të vesh fanellën e Benficës dhe të shkruaj historinë e këtij klubi”, tha futbollisti 24-vjeçar në fjalët e tij të para pas mbërritjes në aeroportin e kryeqytetit të Portugalisë, ku e pritën përfaqësues të klubit të Benficës, por edhe të mediave të ndryshme.

Klubi portugez vendosi të paguajë rreth 20 milionë euro në arkat e Gremios për kartonin e futbollistit, ndërsa brazilianët ruajtën edhe 10 % të vlerës së kartonit në rast të rishitjes së tij në 2 sezonet e ardhshme.

Pas trajnerit Jorge Jesus dhe sulmuesit Everton Soares, Benfica po punon për afrimin e futbollistëve si Edinson Cavani e Jan Vertonghen, për të ndërtuar një skuadër vërtetë cilësore, që të mund të bëjë paraqitje dinjitoze si në Portugali ashtu edhe në arenën ndërkombëtare.

SUPERSPORT.AL

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu