Javier Zanetti, zv presidenti i Interit dhe ish-lojtar i madh i ekipit zikaltër (858 ndeshje dhe 21 gola në 19 sezone, nga 1995 në 2014), dha një intervistë ekskluzive për mikrofonët e Pianeta Milan.
Me cilin derbi jeni më i lidhur? “Derbi është gjithmonë një ndeshje e veçantë dhe e ndjerë thellë sepse të dy ekipet nga ky qytet përballen me njëra-tjetrën. Gjatë gjithë javës flasim vetëm për këtë ndeshje. Më kujtohet derbi që fituam 4-0 në 2009 i cili ishte një derbi ku provuam të fitonim një ndeshje me meritë kundër një kundërshtari të shkëlqyer siç ka qenë gjithmonë Milani”.
Çfarë marrëdhënie keni me tifozët e Milanit? “Ishte një marrëdhënie me shumë respekt dhe është edhe sot. Kur tifozët e Milanit më shohin në rrugët e Milanos ata më kërkojnë autografe dhe foto dhe kjo tregon se gjatë gjithë karrierës sime jam sjellë mirë.
Ka respekt të madh nga ana e tyre dhe nga ana ime. Unë kam një marrëdhënie të mrekullueshme me tifozët e Milanit”.
Ju keni luajtur për Interin për 19 vjet, por cili ishte Milani më i mirë që keni takuar? “Milani i Paolo Maldini, Ricardo Kaká, Clarence Seedorf dhe Andriy Shevchenko ishte një Milan i vështirë për tu përballur sepse ishte i përbërë nga kampionë të mëdhenj”
Disa vjet më parë ju thatë që Kaká ishte kundërshtari më i fortë kuqezi që keni sfiduar. Pse Ricky? “Kaká i parë ishte shkatërrues sepse ai ishte një lojtar që kapte topin dhe ishte në gjendje me shpejtësi të madhe ta kthente aksionin shumë të rrezikshëm. Dhe ta ndiqje nuk ishte e lehtë (qesh)”.
Dhe pas Kaká? “Maldini. Maldini më vjen në mendje sepse ka një miqësi të shkëlqyeshme me Paolo dhe gjithmonë ka pasur respekt të madh nga ana ime gjatë gjithë karrierës së tij në Milano”.
Milani dhe Interi kanë ardhur nga vite të vështira: së bashku ata kanë fituar një Kupë të Italisë dhe një Super Kupë të Italisë në 10 vjet. Çfarë ndodhi me futbollin e Milanos?
“Mendoj se janë momente. Mendoj se Milani do të kthehet sepse besoj se të dy klubet do të bëjnë gjithçka që është e mundur për ta rikthyer futbollin e Milanos atje ku e meriton. Jam i sigurt që Interi dhe Milani do të jenë përsëri të shkëlqyeshëm”.
