Me ardhjen e tij, edhe Milani u rrit! Bashkë me Zlatan Ibrahimovic sollën te kuqezinjtë përvojën dhe mentalitetin fitues. Simon Kjaer, një shkëmb i pakalueshëm, vazhdon të luajë pambarimisht dhe nuk njeh lodhje…
Pas ndeshjes ndaj Celtic, ku ishte sërish ndër më të mirët, foli për Milan TV.
Për ndeshjen: “Mundohem të bëj më të mirën në çdo ndeshje. Ne luajtëm një lojë të mirë.
Në pjesën e dytë mbase u dorëzuam pak por e morëm përsëri menjëherë në dorë, duke shkuar 3-1. Ne ishim në kontroll, kisha këtë ndjenjë. Kur ata u vendosën me 4, për ne kishte më shumë mundësi që të luanim në krahët në 1 kundër 1″.
“Duhet të përmirësojmë vazhdimësinë në ndeshje”.
Kush bëri gabim te goli? “Nuk e kam parë golin në video ende, por patjetër që duhet të përmirësohemi në mënyrë që të mos e lëmë lojtarin të lirë. Ne shënojmë 3 gola si ekip, pësojmë 1 po si ekip”.
I habitur nga rritja juaj?
“Asnjëherë nuk kam pasur dyshime për nivelin tim, e di që mund ta ndihmoj ekipin. Por nuk mendoja se do të rriteshim së bashku kaq shpejt, por në nivelin tim kurrë nuk kisha dyshime.
Unë e di gjithë punën që qëndron pas saj, hyj brenda dhe bëj më të mirën. Atëherë mund ta bësh mirë ose keq”.
Raporti me Pioli? “Ndihem shkëlqyeshëm, mendoj se një nga cilësitë e mia më të mira është mbulimi. Mbrojtja një kundër një më stimulon, unë gjithmonë jap maksimumin në çdo duel.
Në dy ndeshjet e fundit kemi pasur shumë duele në fillim të lojës, pastaj gradualisht shkojmë gjithnjë e më shumë në zonë.
Varet nga momenti i ndeshjes, nëse fitojmë ka më shumë vëmendje në fazën mbrojtëse por nëse jemi prapa duhet të pranojmë një kundër një me forcë”.