Sportmediaset | Bakayoko te Milani, detaji i fundit për të nënshkruar marrëveshjen me Chelsea!

Milani është gati të plotesoje mesfushën dhe të bëjë një skuadër që duhet të konkurrojë në Ligën e Kampionëve gjithashtu, duke qene se mund ta prese nje grup i veshtire.

Në fakt, pritet kthimi i Tiemouè Bakayoko, mesfushori francez i cili tashmë kishte veshur fanellën e Milanit në sezonin 2018/2019. Lojtari, pas vitit të kaluar në huazim te Napoli, donte fuqishëm fanellën e Milanit, pavarësisht interesit të vazhdueshëm të Napolit dhe Juventusit.

Milani, pas një negociate të gjatë me Chelsean, më në fund është pranë blerjes së tij. Marrëveshja u gjet përmes formulës së huasë me të drejtën e blerjes, me lojtarin i cili, për t’u kthyer në Milano, ka pranuar edhe uljen e rroges. Palët tani janë shumë afër dhe përfundimi i negociatave tashmë mund të arrijë sot.

E vetmja gjë që mbetet për të përcaktuar është e drejta e blerjes në favor të Rossonerëve. Ka ende shumë distancë sipas Sportmediaset. Chelsea bëri një kërkesë shumë të lartë.

Bakayoko do t’i bashkohej Milanit si zgjedhja e katërt për mesfushën; mund të jetë alternativa e Franck Kessie dhe Ismael Bennacer. Ai ka karakteristika të shkëlqyera fizike dhe është shumë i mirë në fazën e mbulimit dhe prishjes se aksioneve.

Ai mund të ketë nevojë të rritet nga pikëpamja e ndërtimit të lojës, por në tërësi duhet të përcaktohet si një mesfushor i shkëlqyer. Tashmë e njeh mjedisin kuqezi, me të cilin ka qëndruar shumë i lidhur në të kaluarën.

Kthimi i tij në Milano mund t’i sigurojë atij stimujt dhe motivimet e përshtatshme për të udhëhequr një sezon të mirë.

Siç thamë, nga Sportmediaset Claudio Raimondi tha se tymi i bardhë për Bakayoko mund te vije sot. Chelsea dhe Milani kanë arritur një marrëveshje për një huazim të rëndë prej 1.5 milionë eurosh me të drejtën e blerjes që ende nuk është përcaktuar.

Blutë gjuajnë shumë lart: ata do të donin një shpërblim prej 30 milionë eurosh. Klubi kuqezi nuk dëshiron të shkojë përtej 20 milionë eurove.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu