Arrigo Sacchi dha një intervistë të gjatë për mikrofonat Gazzetta dello Sport duke përmbledhur situatën te Milani dhe mënyrën se si ai e ka parë deri tani.
MILAN – “Entuziazmi i lojtarëve të rinj, mënyra se si ata dinë të qëndrojnë në fushë, gatishmëria për të komanduar lojën dhe aftësia për të bërë presion në çdo moment të ndeshjes: ata kanë energji për të shpenzuar, janë stërvitur mirë.
Dhe këtu duhet t’i themi bravo Piolit. Duhet ta përgëzojmë Maldinin: Paolo e ka ndërtuar këtë ekip duke i bërë të gjitha lëvizjet si duhet dhe pa shpenzuar atë që rivalët e tij kanë shpenzuar. Nuk është çështje e parëndësishme”.
IBRAHIMOVIC – “Një fenomen absolut. Ai gjithashtu ndikon kur nuk po luan, sepse është një lider, sepse ai ka transmetuar personalitet te shokët e tij të skuadrës, sepse ai di si t’i udhëzojë, t’i rregullojë dhe t’i motivojë ata.
Epo, mbase ndonjëherë duhet të ngadalësohet sepse i qorton shumë dukshëm: dikush madje mund të ndihet keq dhe atëherë nuk merr efektin e dëshiruar. Sidoqoftë po flasim për një kampion të vërtetë. Ai më duket një drejtues klasi: një pikë referimi për të gjithë grupin”.
