Rrëfehet Pioli: Ju nuk e dini se çfarë djemsh stërvis, por thjesht i shihni si të rinj…

Stefano Pioli, trajneri i Milanit, ishte i ftuar sonte te “Radio 105”, ku foli për disa tema dhe duke e lidhur natyrisht me kuqezinjtë dhe sezonin e tyre deri tani.

“Presionet? Nuk ka ndonjë hile si ti menaxhosh. Vë pasionin në punën time. Kur qëndroj tërë ditën në Milanello jam plot punë dhe kuriozitet.

Të jesh trajner do të thotë të menaxhosh të gjithë mjedisin në 360 gradë. Kur largohem Milanello kam hobet dhe pasionet e mia që i lejoj vetes t’i kaloj mbrëmjet në paqe. Mendoj se kam ekuilibrin e duhur”.

Për Milanin: “Unë nuk dua të kaloj për modestin, por bëra përpjekjen time për të krijuar këtë dëshirë për të punuar. Ne përpiqemi të kujdesemi për gjithçka.

Klubi dhe unë gjithmonë kemi besuar te ky ekip, edhe në momente të vështira dhe edhe kur nuk kishte këto rezultate.

Klubi na ka mbrojtur gjithmonë. Rezultatet na kanë dhënë besim për të krijuar një mjedis të bukur, gjithashtu për t’u rritur dhe ku gjithçka shkon në mënyrën më të mirë.”

“Ne jemi ndër skuadrat më të reja në Evropë. Nga jashtë nuk keni perceptimin e djemve që po stërvis: ata janë shumë të përgjegjshëm dhe është mirë të shohësh që ata arrijnë në Milanello të lumtur për t’u stërvitur.

Nuk ka nevojë të stimulojmë askënd, ata duan të jenë së bashku dhe duan që ky sezon të bëhet i rëndësishëm. Kjo më bën krenar. Brenda dhomës së zhveshjes ka karaktere të fortë dhe djemtë janë shumë të mirë në ndjekjen e këtyre shembujve”.

Për mungesën e tifozëve: “Unë mendoj se po humbasim emocione fantastike. Tifozët tanë na mbështetën edhe kur gjërat nuk ishin aq pozitive, me ngrohtësi të madhe. Tani unë vetëm mund të imagjinoj se si do të ishte San Siro me të gjithë tifozët tanë.

Shpresojmë të jemi në gjendje t’i shohim sa më shpejt të jetë e mundur, kjo do të thotë të përjetosh bukurinë e futbollit. Kjo është edhe arsyeja pse më bën shumë krenar, ekipi po tregon edhe nëse nuk ka stimul nga stadiumi”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu