“Qava kur ika nga Milani, Pioli ma bëri të qartë!”

Një ndër lojtarët më të spikatur të viteve të fundit te Milan ka qenë edhe Lucas Biglia. Argjentinasi, pavarësisht dëmtimeve të shpeshta, krijoi një lidhje të ngushtë me ekipin kuqezi dhe diçka të tillë e ka konfirmuar edhe në një intervistë të dhënë së fundmi.

Në një rrëfim për “Gazzetta dello Sport”, argjentinasi ka zbuluar se e ka pasur të vështirë largimin nga Milani dhe se ka qarë kur diçka e tillë ka ndodhur.

“Sezonin e kaluar Pioli më tregoi se Bennacer do të luante si titullar dhe për mua nuk ishte problem. Megjithatë, e pata të vështirë largimin nga Milani, madje kam qarë”, përfundoi Biglia.


35-vjeçari po kalon një eksperiencë të re tashmë, teksa është pjesë e ekipit turk të Karagumruk, ku bëjnë pjesë edhe shumë lojtarë të tjerë që kanë qenë pjesë e Milanit në të kaluarën si Borini apo Bertolacci.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu