Pioli “i përulet” Ibrahimovic dhe tregon sekretet e tij: Mua nuk më befason, tani i ka futur në siklet edhe të tjerët…

Stefano Pioli, trajneri i Milanit, komenton për Sky në lidhje me suksesin e Milanit kundër Crotone, duke nënvizuar rëndësinë e Ibrahimovic: “Ajo që bën Ibra vështirë më befason, pasi ai është një kampion.

Është e vështirë të bësh atë që po bën ai sepse shënon dy gola sa herë që luan. Ibra është ky, ka ndihmuar shumë dhe po ndihmon shumë ekipin që të rritet.

Skuadra ka qenë e mirë dhe në rritje, por besimi është gjithçka. Ndeshja nuk ishte e lehtë, por ne fituam me meritë”.

A do të rinovojë Ibrahimovic? “Nuk e di. Zlatan është mirë me ne dhe gjëja më e mirë është që ne punojmë mirë, jemi mirë. Jemi një klub i shkëlqyeshëm dhe prandaj duam të bëjmë mirë. Pastaj Zlatan do të vendosë për të ardhmen e tij. Për atë që është ende duke treguar, është e drejtë që vazhdojë të luajë me ne”.

Cili është sekreti i Ibrahimovic? “Ai është një atlet që ka motivime të mëdha, i cili kujdeset për trupin e tij në detaj, i përsosur në gjithçka: në të ushqyerit, në rikuperimin, në parandalimin.

Është e qartë që të qëndrosh lart në këto nivele je një profesionist i jashtëzakonshëm i mbështetur nga një trup i mirë. Ai  është i pari që arrin në stërvitje, por tani të tjerët garojnë se kush arrin i pari dhe kush shkon më vonë. I ka futur pak në siklet”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu