Dinastia vazhdon. Pas Cesare dhe Paolo, Daniel Maldini gjithashtu “u pagëzua” në San Siro duke futur emrin e tij në tabelën elektronike…
Tani për tani, sigurisht, elozhet i përkasin vetëm një goli në një miqësore (dje kundër Monza) por sulmuesi i datëlindjes 2001 duket se ka të gjitha karakteristikat për t’u imponuar.
Stefano Pioli i beson atij dhe mund të vihet bast se në sezonin e ri, Maldini jr do të ketë më shumë shanse dhe hapësira.
Pas mbrëmjes së bukur, Daniel Maldini foli për Milan TV, duke komentuar paraqitjen e tij dhe golin:
“Edhe pa audiencë dhe tifozë të luash në San Siro është me të vërtetë bukur. Pastaj goli zbukuroi gjithçka. Sektori i të rinjve punon mirë, sjell të rinj që meritojnë ekipin e parë, ndaj na mbetet ne të japim më të mirën”.
I riu Daniel nuk mund të mos përmendë “mentorin” e tij Zlatan Ibrahimovic, me të cilin luajti nga minuta e 1′: “Ai është shumë i mirë në fushë: ndihmon, flet gjithmonë edhe nëse bërtet mund të të udhëzojë. Falë tij dhe ekipit gjërat po shkojnë mirë, të gjithë mund të përmirësohemi falë Ibrahimovic”.