Milani e rinis aty ku e la, pra me fitore, lojë të bukur dhe shumë raste të krijuara, përveç se një mbrojtje që sërish është treguar në nivel, edhe pse me shumë mungesa.
Skuadra e drejtuar nga Stefano Pioli arrin që të mposhtë Bologna 2-0 me protagonist tashmë 39-vjeçarin Zlatan Ibrahimovic. Por, numrat e ofendojnë suedezin, që si një gjigant i vërtetë gjen golin e parë me kokë dhe të dytin me penallti.
Milani luan mirë dhe dominon, por edhe shpërdoron shumë kundërsulme, duke gjetur edhe disa pritje deçizive të portierit Skorupski. Calabria duket i papërmbajtshëm në krah të djathtë, por në pjesën e parë Castillejo nuk luan mirë dhe Pioli aktivizon Saelemaekers, një kartë fituese, pasi ndizet edhe më shumë ndeshja.
Calhanoglu vazhdon të jetë dirigjent, ndërsa debutojnë edhe Brahim Diaz dhe Tonali. Theo Hernandez i afrohet golit të tretë, ndërsa në fund Bologna mbetet me dhjetë futbollistë.
Mjaftojnë dy golat e Zlatan, që janë 3 bashkë me Europa League. Nëse kishit dyshime për këtë njeri, bëni mirë që t’i shuani shumë shpejt!