Milani bashkohet rreth CEO-s. Mesazhi i Ivan Gazidis pas shtrimit në spital!

Frikë e madhe të Milani pas lajmit të sotëm se administratori i deleguar i klubit, Ivan Gazidis, u shtrua urgjentisht në spital pas kontrolleve mjekësore rutinë që kanë dalluar një formë tumorale në fyt.

Me një njoftim zyrtar për shtyp në faqen e saj të internetit, Milan azhornoi tifozët dhe partnerët e klubit për kushtet shëndetësore të Ivan Gazidis, që sot është shtruar me urgjencë në spital.

Këtu është shënimi zyrtar: “AC Milan informon të gjithë mbështetësit e saj dhe palët e interesuara të Klubit se CEO ynë, Ivan Gazidis, është diagnostikuar me kancer në fyt.

Bazuar në një seri të gjerë të testeve dhe hetimeve klinike të kryera menjëherë, mjekët parashikojnë që ai do të shërohet plotësisht.

Ivan do të mbetet operativ gjatë trajtimeve të nevojshme në klinikat e specializuara, me mbështetjen e plotë të klubit, presidentit Scaroni dhe menaxhmentit të klubit.

Në një mesazh për të gjithë komunitetin e AC Milan, Ivan donte të komentonte dhe qetësontë të gjithë:

“Sigurisht, nuk është kurrë një kohë e mirë për një diagnozë të kancerit. Por për fat të mirë duket si një formë shumë e shërueshme.

Një ekip i nivelit të lartë mjekësor do të më ndjekë dhe unë kam mbështetjen e të dashurve të mi dhe të gjithë kolegëve dhe bashkëpunëtorëve të klubit: kam besim, në bazë të të gjitha konsultave të para mjekësore, që tumori do të trajtohet me sukses, me një shërim të plotë.

Diagnoza ime demonstron rëndësinë e kontrolleve të rregullta mjekësore, edhe nëse nuk keni simptoma.

Ndjej se mund të inkurajoj gjithsecilin që t’i japë përparësi shëndetit të tij dhe të mos nënvlerësojë parandalimin, madje edhe në detyrimet e përditshme të jetës dhe punës”.

“Ne kemi një ekip të fortë, si brenda dhe jashtë fushës – nënvizoi Ivan – dhe unë kam besim të plotë në aftësinë e tyre për të çuar përpara klubin tonë në javët e ardhshme. Shihemi së shpejti dhe gjithmonë Forza Milan”

Të gjithë Bordi i Drejtorëve dhe Menaxhmenti i Klubit, punonjësit dhe bashkëpunëtorët, stafi teknik dhe lojtarët e Milanit, i urojnë Ivanit të gjitha të mirat për një shërim të plotë dhe të shpejtë. Ne jemi të gjithë me ju”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu