Maxi Lopez kujton: Kur Ibrahimovic më kërcënoi se do m’i thyente turinjtë!

Intervistë kurioze dhënë nga Maxi Lopez për Tyc Sports. Sulmuesi aktual argjentinas i Sambenedettese tregoi një anekdotë të veçantë nga koha e Milanit me Zlatan Ibrahimovic i cili konfirmon vendosmërinë dhe personalitetin e suedezit dhe sjelljet e tij… disi të forta.

“Më kujtohet një herë. Ne duhet të luanim kundër Parmës në Tardini”, tha Maxi Lopez, duke rrëfyer një episod që ndodhi në kohën kur vishte fanelën e Milanit. “Hodha një top brenda zone pak më të gjatë seç duhej në drejtim të Ibrahimovic. Zlatan qëndroi në vend, pra nuk lëvizi…”.

“Fillimisht nuk më pa as në fytyrë dhe shihte topin! Pastaj u kthye nga unë dhe o Zot sa gjëra më ka thënë… Më tha se e donte topin në këmbë, kurse unë iu përgjigja se ishte një pasim i mirë dhe se mund ta kishte mbërritur”.

“Në dhomat e zhveshjes nuk hapi gojën. Më foli vetëm 3 ditë më pas, përpara se të luanim në Champions League: më pëlqeni ju argjentinasit, ndryshe nga brazilianët thoni atë që mendoni pa problem sepse keni karakter. Por, herën tjetër që do të bësh kështu t’i thyej turinjtë”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu