SPORTMEDIASET: Elliott ngel në klasë dy profile? Filtron optimizëm për mbrojtësin!

Pas kualifikimit në grupet e Europa League 2020-21, duke kaluar plot tre kundërshtarë në turet paraeliminatore (Shamrock Rovers, Bodo/Glim dhe Rio Ave), Milani tashmë fokusohet te merkato kur kanë mbetur edhe pak ditë deri në fund (në datën 5 tetor mbyllet merkato).

Duke folur për Sportmediaset, Claudio Raimondi bëri një analizë të merkatos kuqezi në këtë moment dhe pasi janë siguruar edhe 15 mln euro nga kualifikimi në grupet e Europa League.

“Prioriteti absolut për Milanin është mbrojtësi qendror. Kuqezinjtë vazhdojnë të mendojnë për Tomiyasu duke rritur pak ofertën me bonuse, nga 15 në 18 milion.

Një shifër e cila, megjithatë, nuk është e mjaftueshme, sepse Bologna dëshiron 25 milion euro. Orët e ardhshme do të jenë të rëndësishme, ndërsa filtron një optimizëm i kujdesshëm.

Milani, në fakt, nuk po heton alternativa të vjetra në moshë si Pezzella ose Nastasic, të gjykuar nga projekti Elliott si jo të duhura. Megjithatë, argjentinasi i Fiorentina-s pret ende thirrjen e Maldinit. Mund të bëhet vetëm si plan i fundit, ashtu si edhe serbi i Schalke 04…

Kuqezinjtë kanë ndaluar gjithashtu negociatat për Bakayoko, me francezin që mund të ribashkohet me Gennaro Gattuso te Napoli.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu