Milani e kishte vërejtur atë gjatë verës: Florian Thauvin është ai sulmuesi atipik, i aftë të zërë pozicione të ndryshme sulmuese dhe ta bëjë atë mirë, siç ka treguar tashmë te Olympique Marseille në vitet e fundit.
Sipas Todofichajes.com, gazeta spanjolle, marrëveshja me lojtarin tashmë është gjetur: një kontratë 4-vjeçare me një pagë prej 3 milion eurosh në sezon.
Sipas raportimit, Thauvin ka pranuar marrëveshjen. Në një intervistë për Telefoot, Maldini sot konfirmoi se francezi është një objektiv!
Nëse është kështu, kjo do të ishte surpriza e parë e Maldinit në treg me parametra zero (hiq rastin Ibra).
Po, sepse lojtari francez ka një kontratë me Marseille që skadon më 30 qershor 2021 dhe dëshira e Thauvin për të rinovuar me klubin francez është shumë e vogël.
Marrëveshja është nënshkruar për qershorin, por kush e di nëse Milani nuk do të jetë në gjendje të sjellë që në janar playmaker në radhët e kuqezinjve.
Le të zbulojmë se kush është Thauvin dhe pse ai zgjoi interesin e Milanit.
Përcaktuar si një sulmues anësor, francezi duket se preferon anën e djathtë të fushës. Kjo është arsyeja pse afrimi i tij do të sugjeronte një shitje të mundshme të Castillejo në muajt e ardhshëm.
Thauvin u rrit në akademitë e të rinjve në Grenoble para se të bënte debutimin e tij në ekipin e parë në 2010. Dy vitet e ardhshme ai u huazua te Bastia ku u paraqit shumë mirë.
Hapi në cilësi erdhi për të në 2013 kur nënshkroi me Olympique Marseille.
Sidoqoftë, francezi duket të jetë një lojtar atipik, i aftë për të zënë një pozicion të mirë si në mesfushë ashtu edhe në “tredhëmbëshin” sulmues.
Ai është i gjatë 1.79 cm, i lindur në vitin 1993. Vetëm mosha e tij kishin hedhur disa dyshime mbi blerjen duke pasur parasysh qëllimin e klubit për t’u përqëndruar në lojtarë të rinj.
Sidoqoftë, Maldini mendoi të siguronte të gjithë, duke deklaruar se Milani ka nevojë për përzierjen e duhur të përvojës dhe freskisë.
Dhe këtu Thauvin mund të sjellë kapërcimin e duhur të njohurive teknike.
Sezoni 2018/2019 e pa atë si krijuesin e 18 golave dhe 9 asistimeve; gjithsej 37 paraqitje midis Ligue 1, Europa League dhe Kupës së Francës.
Mos të harrojmë se Thauvin është një kampion bote në fuqi, i pranishëm në ekipin kombëtar në Kupën e Botës 2018.
Thauvin provoi veten edhe në Premier te Newcastle, që e bleu 18 mln euro dhe pastaj e shiti po te Marseille për 11 mln euro pas dy huazimesh.
Në 2013 ai gjithashtu fitoi Kupën Botërore Nën-20 vjeç së bashku me ekipin e të rinjve.
Përvojë e shkëlqyeshme për Thauvin, i cili ka një vlerë tregu prej 32 milion euro (burimi transfermarkt).
Afrimi i tij tani, kur skadon kontrata, me të vërtetë mund të jetë një marrëveshje me vlerë!
Sezonin e kaluar, një problem i vazhdueshëm i artroskopisë e mbajti Thauvin jashtë lojës për një kohë.
Vetëm marsin e kaluar ai u kthye në ekip por urgjenca shëndetësore bllokoi gjithçka dhe madje edhe shërimin e tij të mundshëm. Ndoshta, për këtë arsye francezi nuk u ble tashmë nga Milani në verë.
Duke marrë parasysh sezonin aktual, megjithatë, forma e Thauvin jep shpresë. Gjithmonë titullar në 9 javët e luajtura deri më tani në Ligue 1, 3 gola dhe 5 asist.
Numrat e tij sigurisht inkurajojnë blerjen e lojtarit, mbetet të vlerësohet se cili pozicion do të zgjidhet për të, dhe mbi të gjitha vendin e cilit do të zëzë: Calhanoglu apo Castillejo?
