Ekziston një sulmues në radhët e Milanit që po i çmend të gjithë me statistikat e tij dhe e bën atë nën tingujt e golave dhe rekordeve. Giroud? Jo. Ibrahimovic? As. Po flasim për Francesco Camarda dhe ai është vetëm 13 vjeç!
Ditët e fundit është folur shumë për një arsye të thjeshtë. Është në fakt një sulmues që ka shënuar pothuajse 500 gola në 4 vitet e fundit. Sigurisht, duhet të theksohet se ne po flasim për kategoritë e fëmijëve dhe të rinjve, por numrat mbresëlënës mbeten.
Patjetër një djalë për të mbajtur nën kontroll dhe, nëse është e nevojshme, për të blinduar. Menaxhmenti i Rossonerëve, dhe në veçanti Maldini dhe Massara, janë shumë të interesuar për sektorin e të rinjve dhe vitet e fundit janë përpjekur të bëjnë që disa talente nga çerdhet të rriten sa më shumë që të jetë e mundur.
Ky është rasti, për shembull, i Lorenzo Colombo, në pronësi të Milanit dhe i huazuar te Spal, i cili me të vërtetë po shfaqet me ekipin nga Ferrara dhe që e di se sezonin e ardhshëm ai nuk do të jetë në gjendje të shërbejë edhe per Stefano Piolin.
Një produkt tjetër i sektorit të të rinjve është Davide Calabria, i cili po bëhet gjithnjë e më shumë lider, aq sa ai ka fituar edhe shiritin e kapitenit në mungesë të Romagnoli.
Por le të kthehemi tek Camarda i vogël. Numrat e tij janë mbresëlënës: 247 gola në sezonin 2017/2018, 172 në atë të mëposhtëm dhe 64 në sezonin 19 ’/ 20’. Gjithsej 483 gola në 87 ndeshje. Numra tronditës për një trembëdhjetë vjeçar, tashmë në ekipin kombëtar Under 15 vjeç.
Francesco është mësuar të luajë nën moshë me fëmijë më të mëdhenj. Shoku i tij i skuadrës është Denzel Miguel Vlana Seedorf. Mbiemri që keni dëgjuar tashmë, dhe në fakt është djali i Clarence.
Scout te ndryshem e kanë përcaktuar atë si Youssoufa Moukoko i ri, shumë i ri nga Borussia Dortmund i cili tashmë ka thyer të gjitha rekordet si në Bundesliga ashtu edhe në Evropë.
Francesco Camarda, megjithatë, duhet të jetë i kujdesshëm. Eshtë e rëndësishme në moshën e tij të mbaj këmbët në tokë sepse rruga është ende shumë, shumë e gjatë. Ai ka ende gjithçka për të provuar, por koha është në anën e tij.
Ne kemi parë shumë fenomene pesëmbëdhjetëvjeçare, të cilat pastaj humbën gjatë rrugës: shihni Mastour, një meteor i vjetër.
Francesco, megjithatë, ndërkohë po shijon momentin dhe famën, duke qenë se disa gazeta të huaja kanë treguar historinë e tij. Milani e përkëdhel atë dhe e sheh atë të rritet, duke shpresuar që tashmë të ketë sulmuesin e së ardhmes në shtëpi.
Ka edhe nje idhull: Ibrahimovic! Jo vetem nga futbolli por edhe sepse Camarda ka praktikuar dhe praktikon “kick-box”…
