INTERVISTA: Stefano Pioli nuk e bën dramë dëmtimin e Calhanoglu dhe i jep dorën Dalot-Hauge!

Stefano Pioli, trajneri kuqezi, u intervistua nga Milan TV në prag të ndeshjes kundër Celtic.

Post derbi: “Udhëtimi ynë filloi vitin e kaluar, ne flasim shumë lehtë për ndeshje kthese, po për ne ato janë të gjitha të rëndësishme. Është e qartë se e dinim që derbi ishte një ndeshje edhe më e rëndësishme, është normale.

Fitorja na jep edhe më shumë vetëdije dhe edhe më shumë besim për të ardhmen tonë”.

Europa League: “Ne kemi punuar shumë për t’u kthyer në Evropë dhe tani duam të qëndrojmë atje, Europa League është një kompeticion i rëndësishëm, kemi një grup shumë të ekuilibruar, shumë konkurrues, duam ta fillojmë atë mirë”.

Për Hauge dhe Dalot: “Janë të dy të rinj, por ata menjëherë treguan përshtatshmëri të madhe, u bashkuan, kanë cilësi shumë të mira. Janë në dispozicion dhe të gatshëm për të luajtur”.

Në lidhje me dëmtimin e Calhanoglu: “Fatkeqësisht, dëmtimet janë pjesë e punës sonë, më vjen keq që Hakan e kishte këtë dëmtim dje, por jam me fat që kam shumë lojtarë të tjerë në dispozicion, ndoshta edhe me karakteristika të ndryshme.

Ne do të gjejmë zgjidhjen më të mirë për t’u hedhur në fushë një ekip konkurrues edhe nesër në mbrëmje”.

Në lidhje me pritshmërinë: “Është normale që ka pritje nga ne, mendoj se është gjithashtu e drejtë, ne veshim një fanellë shumë prestigjioze, të një klubi që është mësuar të fitojë.

Një privilegj, nëse ka pritje nga ne do të thotë se po bëjmë mirë, duhet ta mbajmë këtë presion dhe të jemi të kënaqur me atë që po bëjmë, duke e ditur se ka shumë provime të tjera për të kaluar së bashku”.

Për objektivat: “Ne gjithmonë duhet të luajmë për të fituar, duke ditur që duhet të kapërcesh vështirësitë që çdo herë paraqesin ndeshjet.

Kundërshtarët janë shumë të fortë, por ne kemi cilësitë që të jemi në gjendje të fitojmë, sa më kompakt të jemi dhe sa më shumë të sakrifikojmë veten, aq më shumë kemi shansin të marrim një rezultat pozitiv në shtëpi”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu