Sandro Tonali, një nga protagonistët e Golden Boy 2020, themeluar si çmim nga Tuttosport, u shpall futbollisti italian më i mirë U-21 i vitit.
Mesfushori kuqezi foli për mediat pas këtij vlerësimi të rëndësishëm: “Kur fiton, gjithçka ndryshon. Transferimi te Milani ishte një nga gjërat më të mira që më ka ndodhur në jetë.
Të fitosh me ta është edhe më e bukur, shpresojmë të vazhdojmë kështu”.
Për Gattuso: “Ai më dha shumë këshilla që i kam thënë tashmë në intervista të tjera. Kam një marrëdhënie të shkëlqyeshme me të, shpresoj të vazhdoj dhe ta njoh edhe më mirë”.
Raporti me lojtarët e Milanit dhe me Ibrahimovic sigurisht që është thelbësor:
“Me Ibra ishte më e lehtë, ai bën shaka shumë dhe jeton shumë me shokët e tij të skuadrës. Ai është udhëheqësi ynë. Unë tashmë kisha një marrëdhënie të mirë me italianët më parë, i njihja disa nga të tjerët si kundërshtarë. Ne jemi një grup, të gjithë djem të mirë që po ecin mirë”.
Shorti: “Ndjesi pozitive, duhet të kapësh një rival, sidoqoftë. Ishim dhe jemi gati të përballemi me çdo skuadër”.
Për Kampionatin Evropian: “Do të ishte një nder të isha pjesë e 23 lojtarëve. Përpiqem të jap gjithçka çdo javë, deri në verë është rrugë e gjatë. Duhet të jesh i përqendruar fillimisht në ndeshjet e klubit! Nuk është sekret, por duhet të mendosh një ndeshje pas ndeshje”.
Për pikat referuese: “Nuk më pëlqen të kem asnjë. Vite më parë u inspirova nga Modric, por nuk jam personi që të them se dua të luaj si ky apo si ai”.
