Milani po i afrohet ndeshjes së parë zyrtare të sezonit, që është turi paraeliminator i Europa League kundër Shamrock Rovers.
Siç raportohet nga Tuttosport, formacioni fillestar është thuajse zgjedhur.
Një pikëpyetje ka të bëjë me Ibrahimovic, i cili mungoi në dy miqësoret e fundit të luajtur nga kuqezinjtë.
Sidoqoftë, ndjesia e rikuperimit duket pozitive dhe duhet të besohet se suedezi do të jetë rregullisht në fushë.
Pyetja tjetër është kush do ta zërë vendin në të majtë, pasi Rebic është i skualifikuat.
Pioli ka provuar disa alternativa në këto dalje: më bindësi ishte Daniel Maldini, por ka të ngjarë që në fund trajneri të zgjedhë një lojtar me më shumë përvojë.