Fyerjet raciste dhe fjalia “Negro” disa here ndaj Mike Maignan ka diktuar edhe shperthimin e gardianit francez.
Postimi i publikuar nga Mike Maignan pas Juventus-Milan, të dielën e kaluar, kishte lënë një ndjenjë të rëndësishme zemërimi tek opinion futbollistik në Itali.
Portieri francez i Milanit u bë “viktimë” e ofendimeve raciste gjatë nxemjes para ndeshjes dhe, ankesa e vetë lojtarit, ndihmoi në fillimin e “gjuetisë” për personin konkret.
Siç është raportuar nga ANSA, policia e Torinos ka të identifikuar tashmë individin fajtor për këtë sulm racist falë pamjeve të regjistruara nga kamerat e pranishme në stadiumin “Allianz”.
Bëhet fjalë për një punëtor dhe sindikalist nga Rovigo, i regjistruar te “Juventus Club Gaetano Scirea di Castagnaro” (Verona), i cili tashmë është përjashtuar përkohësisht nga ndeshjet e “Zonjës së Vjetër”.
Ishte vetë Juventusi që e identifikoi dhe denoncoi tifozin e vet për nxitje të urrejtjes racore dhe, kur të sqarohet përgjegjësia mbi këtë çështje, klubi do të jetë në gjendje të vendosë në mënyrë të pavarur mbi dëbimin e përhershëm të këtij tifozi nga stadiumi “Allianz”.
Në të njëjtën kohë, Prokurori Federal nuk do të hapë asnjë dosje për të hetuar një episod që tashmë e ka fajtorin e identifikuar.
Maignan kishte shprehur gjithë krenarinë e tij për ngjyrën e lëkurës, duke u shfaqur si promovues i një fushate anti-raciste në Serie A:
“Unë jam Mike, me lëkurë të zezë dhe krenar. Për sa kohë që mund ta themi zërin tonë për t’i ndryshuar gjërat, do ta bëjmë”.
