Rruga drejt një sezoni të mirë dhe thuajse perfekt nis sonte nga Milani në turin e dytë kualifikues: gjithcka përballë Shamrock Rovers, skuadra më e titulluar e Irlandës.
Trajneri Stefano Pioli nuk do të bëjë shumë eksperimente, në fakt, pasi do t’i besojë atyre që i besoi edhe sezonin e shkuar, edhe pse me disa ndryshime për shkak mungesash të detyruara (dëmtime, skualifikime dhe Covid).
Kështu, në fushë do të jenë të zakonshmit dhe asnjë nga afrime te reja! Por, nëse sonte për Alexis Saelemaekers roli do të jetë sulmues i majtë, pra mesfushor i avancuar, e ardhmja e belgut pritet të jetë në mbrojtje…
Sipas Stefano Pioli, Saelemaekers ka karakteristikat e duhura për t’u bërë një lojtar piston, pra i shtysës përpara, përveç se agresiv në mbrojtje. Ai do të nisë të përdoret në krah të djathtë të mbrojtjes, ndërsa më përpara mund të spostohet edhe Pierre Kalulu.
