Ismael Bennacer foli në konferencën për shtyp së bashku me Daniele Bonera, që do të vazhdojë të zëvendësojë Stefano Piolin.
Mesfushori kuqezi e konsideron ndeshjen kundër Lille si themelore dhe po kërkon hakmarrje pas humbjes së rëndë të ndeshjes së parë.
Sidoqoftë, algjeriani fillon nga Napoli: “Ishte e vështirë, por ne fituam si ekip. Fryma është kjo”.
Për dëshirën për hakmarrje ndaj francezëve: “Kur e humbni ndeshjen e parë, gjithmonë doni të fitoni kthimin. Dhe ne do të bëjmë gjithçka që të kemi sukses”.
Bennacer më pas i përgjigjet pyetjes në lidhje me klauzolën 50 milionëshe: “Nuk e mendoj, jam mirë me Milanin dhe nuk është puna ime ajo gjë…”
Për kënaqësinë e kthimit në Francë: “Gjithmonë një kënaqësi për t’u kthyer, veçanërisht kundër një ekipi të madh si Lille”.
Një vit më parë Bennacer u bë titullar i Milanit pas një fillimi shumë të komplikuar. Pas 12 muajsh, ish-lojtari i Empoli është bërë praktikisht i pazëvendësueshëm:
“Jam i lumtur sepse luaj shumë dhe mësoj shumë. Një vit më parë isha një lojtar tjetër”.
Pastaj ai flet për marrëdhëniet me Zlatan: “Ibrahimovic të bën një lojtar më të mirë, ai gjithmonë kërkon profesionalizëm. Më flet shumë dhe më ndihmon shumë. Jam rritur shumë pranë tij”.