Diaz nuk vendos kufinj dhe synon titullin. I bën edhe thirrje Milanit: Ibra duhet mbajtur fort!

Brahim Diaz pati një ndikim të menjëhershëm te Milani.

Spanjolli menjëherë hyri në skemat e Stefano Pioli, duke demonstruar cilësi shumë të rëndësishme. Kuqezinjtë do të dëshironin ta blinin atë, por beteja me Real Madrid nuk do të jetë e lehtë.

I intervistuar nga Sportmediaset, Diaz tregoi të gjithë dëshirën e tij për t’u bërë të rëndësishëm për Milanin dhe menjëherë të fitojë një titull:

“Scudetto? Ne do te perpiqemi. Sot po i bëjmë gjërat në mënyrë korrekte, le të shohim nga një lojë në tjetrën. Ka qenë një muaj i mirë për mua dhe për të gjithë ekipin. Të ndihmosh shokët e skuadrës duke shënuar gola është një kënaqësi”.

Brahim Diaz përqendrohet te Zlatan Ibrahimovic, vendimtar për rritjen e tij: “Ibrahimovic? Ai është një person i shkëlqyeshëm, ka shumë vëmendje ndaj meje dhe më jep shumë këshilla.

Ai është një lojtar që ka bërë një ndryshim dhe që vazhdon ta bëjë atë, ne duhet ta mbajmë fort”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu