Juan Cuadrado, futbollisti kolumbian i Juventusit, kthehet për të folur për fyerjet raciste që Mike Maignan mori gjatë Juventus-Milan. I intervistuar nga La Stampa, kampioni i Juventusit bën një ftesë për përgjegjësi dhe paralajmëron:
“Fyerjet ndaj Maignan? Loja duhet të përjetohet vetëm si argëtuese dhe të gjithë duhet të jemi më të përgjegjshëm.
Ju ftoj të reflektoni mbi pasojat e disa gjesteve, fjalëve të caktuara: nuk lendohet vetëm futbollisti në fushë, por nëna e tij, fëmijët e tij, familja e tij”
Postimi i publikuar nga Mike Maignan pas Juventus-Milan kishte lënë një ndjenjë të rëndësishme zemërimi tek opinion futbollistik në Itali.
Portieri francez u bë “viktimë” e ofendimeve raciste gjatë nxemjes para ndeshjes dhe, ankesa e vetë lojtarit, ndihmoi në fillimin e “gjuetisë” për personin konkret.
Policia e Torinos identifikoi tashmë individin fajtor për këtë sulm racist falë pamjeve të regjistruara nga kamerat e pranishme në stadiumin “Allianz”.
Ishte një punëtor dhe sindikalist nga Rovigo, i regjistruar në “Juventus Club Gaetano Scirea di Castagnaro” (Verona), i cili tashmë është përjashtuar përkohësisht nga ndeshjet e “Zonjës së Vjetër”.
Ishte vetë Juventusi që e identifikoi dhe denoncoi tifozin e vet për nxitje të urrejtjes racore dhe, kur të sqarohet përgjegjësia mbi këtë çështje. “Kerkoj falje, bera nje idiotesi! Por kisha kthyer ca gota”, u justifikua ai…
Maignan kishte shprehur gjithë krenarinë e tij për ngjyrën e lëkurës, duke u shfaqur si promovues i një fushate anti-raciste në Serie A: “Unë jam Mike, me lëkurë të zezë dhe krenar. Për sa kohë që mund ta themi zërin tonë për t’i ndryshuar gjërat, do ta bëjmë”.