“Askush nuk besonte te ne, por tani e kuptojnë se cilët jemi. Unë si Babagjyshi, ndoshta një ditë…”

Zlatan Ibrahimovic është lideri i Milanit dhe prej janarit udhëhoqi ekipin e tij drejt rilindjes së madhe kur askush nuk e prsite.

Kuqezinjtë e mbyllën vitin 2020 në krye të Serie A dhe bomberi suedez karikon shokët e skuadrës në deklaratën e dhënë për Sportweek.

“Unë nuk kërkoj kurrë asgjë, pasi jam vetë Babagjyshi i Krishtlindjes, jam unë ai që i bën dhurata 27 fëmijëve të mi. Dy i kam në Suedi dhe 25 të tjerët në Milanello.

Meritojmë shumë komplimente për atë që kemi bërë këtë vit. Kemi humbur shumë pak ndeshje. Nuk e di nëse kjo ka ndodhur falë meje, por diçka të mirë e kam bërë.

Kur u riktheva te Milani janarin e kaluar, ekipi renditej në vendin e 12-të. Tani jemi në vendin e parë dhe po tregojmë se e meritojmë këtë vend. Të vazhdojmë kështu përpara“, deklaron Ibra.

Gjatë intervistës së gjatë dhënë për Sportweek, Zlatan Ibrahimovic përpiloi 11 personat kryesorë të tij personal: “Në portë vendosa Buffon, Cafù dhe Maxwell në krahë, qendra me Nesta dhe Cannavaro (dy kafshë).

Në mesfushë Nedved ishte numri një për mua, ai më ndihmoi shumë për t’u përmirësuar. Ai është një makinë pune, një shembull i shkëlqyeshëm për rritjen time. Në krah të tij Viera dhe Xavi me të cilin kam luajtur te Barcelona e fenomeneve.

Sulmi është i lehtë: Zidane pas Ronaldos, Fenomeni, idhulli im, dhe Maradona më i forti nga të gjithë, madje edhe se unë. Këtë herë unë jam trajner dhe mbase një ditë do të bëhem vërtet”.