Pas ndeshjes me Shamrock, trajneri i Milanit Stefano Pioli, i pyetur rreth interesit të pretenduar të kuqezinjve për Federico Chiesa dhe i ngacmuar nëse do t’i telefonojë për ta bindur, me një batutë ka dribluar:
“Tani do të iki në hotel dhe do t’i telefonoj famijes time për t’i uruar natën e mirë”.
Përpara sfidës ai kishte thënë: “Chiesa? Jam shumë i kënaqur me lojtarët që kam në dispozicion: kam drejtues teknike që duhet të mendojnë për merkaton”.
Sakaq, duke folur gjatë Sky Calciomercato L’Originale, Gianluca Di Marzio u ndal te vlerësimi që Fiorentina ka bërë mbi kartonin e Chiesa:
“Ka ende kohë deri në fund të merkatos, por nëse vlerësimi i Chiesa mbetet aq i lartë sa ai i bërë disa kohë më parë nga Commisso, bëhet vështirë për të gjetur një mirëkuptim për këdo”.
