17 vjeç dhe 1.95m, Milani siguron pasardhësin e Donarumës

Në pritje të një goditjeje tjetër për ekipin e parë, Milani ka zyrtarizuar dje arritjen e akordit me danezin Andreas Jungdal.

Lindur në vitin 2002, ai cilësohet si një portier me shumë talent, i cili do t;i bashkohet skuadrës së të rinjve kuqezinj. Edhe pse vetëm 17 vjeç, ai ka arritur të luajë edhe më 19-vjeçarët e Danimarkës. Ajo çka e ka bindur “Djallin” për ta blerë nga Vejle Boldklub, ka qenë prova që djaloshi ka ndjekur në muajin prill të këtij.

Dje, ai ka kryer vizita mjekësore në “La Madoninna”, ku një ditë më parë testohej edhe fiziku i Teo Hernandezit. 195 centimetra i gjatë, Jungdal cilësohet si një nga profilet më interesante të grupmoshës së tij në Danimarkë, një arsye më shumë kjo, që kuqezinjtë të nxitonin të siguronin gardianin, të cilin e kërkonin edhe klube të tjera të njohura në kontinentin e vjetër.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu